Ugar n 10% n wid iɛeddan 40 n yiseggasen, yettḥaz-iten lehlak n wazi (reflux gastro-oesophagien).
Ugar n 10% n wid iɛeddan 40 n
yiseggasen, yettḥaz-iten lehlak n wazi (reflux gastro-oesophagien).
Tikkwal, aneggaru-a, islalay-d ddeqs n wuguren di tudert n umdan imi ad
yettuḥettem fell-as, ad yeṭṭixer i ddeqs n leṣnaf n wučči neɣ ad iteddu s
tɛeqqacin n lisṭuma i lebda.
D acu-t wazi? Acu-tent ccirat –ines? Amek nezmer ad t-nekkes? d isteqsiyen i ɣef ara neɛreḍ ad d-nerr dduṛt-a.
D acu-t wazi? Acu-tent ccirat –ines? Amek nezmer ad t-nekkes? d isteqsiyen i ɣef ara neɛreḍ ad d-nerr dduṛt-a.
D acu-t waṭṭan n wazi ?
D
aṭṭan yeṭṭuqten, yettnernin mkul aseggas. Itekk-d seg walluy n wučči si
lisṭuma ɣer ugerjuj, umbeɛd aṣubbu-s ɣer din, deffir telqimt. D lehlak
yettruḥun yettuɣalen, s umata d axfifan. D acu, llant kra n tegnatin
timengar, anda yezmer ad d-islal axenzir (cancer) n ugerjuj, labeɛda ma
amdan ikemmel i yiman-is s yir tannumi n wučči .
Acu-tent ccirat n lehlak-a ?
Wazi,
s umata, yettban-d s uqraḥ akked imirẓig. Aqraḥ-a, amzun d urɣu,
yettḥaz tifkert n wul, yettili umbeɛd talqimt, labeɛda ma yeṭṭinnez
umdan neɣ yuɣal d tinnegnit. Ma d imirẓig, d aman iwraɣen, imerẓuga,
ttalin-d arma d agerjum neɣ d tanzarin. Terẓeg-nsen tečeṭṭin ayendin
tudert. Acu kan, llant kra n ccirat-nniḍen iteffren lehlak-a: aqraḥ n
uɛebbud, aseblaɛ iweɛren, iriran, tuzzya n leɛqel…atg. Tikkwal, arma
yennerna wazi, ara as-ifaq umdan.
Amek nezmer ad t-nekkes?
Ɣas
yettili-d usnulfu, mkul aseggas, di ttawil n usejji mgal wazi, ad
yeqqim lsas n uḥareb seg-s d aqader n ddeqs n yiwellihen am tikli deffir
telqimt d uṭixxer i uṭinnez akked d tguni, tiririt n lewhi ar yal učči i
d-yeslalayen wazi, d usenɣes-nsen syin tawakksa-nsen seg telqimin n yal
ass am, ccrab, ddexxan, tassemt, lqahwa, ccakula, laḥrur, ayen qessiḥen
(ifelfel aqesḥan, lahrisa akked tlimett d lgazuz.
Salima Dali
Iwenniten