Ala s ucṛaḍ iwatan i nezmer ad nḥareb aṭṭan n ubeḥri i d-yettbanen s littaɛ di tallit n tesmuḍi gar medden.
Ala s ucṛaḍ iwatan i nezmer ad nḥareb
aṭṭan n ubeḥri i d-yettbanen s littaɛ di tallit n tesmuḍi gar medden.
Ɣas mucaɛ waṭṭan-a am lehlak axfifan, yezmer ad d-yeglu s ddeqs n twuɣa
ɣer kra n medden i ɣef isefk lḥal ad ceṛḍen mkul aseggas. D acu-t waṭṭan
n ubeḥri? Acu-t ucṛaḍ mgal-ines? Anwi imdanen yeɛna wucṛaḍ -a? D
yisteqsiyen-nniḍen i ɣef ara neɛreḍ, ad d-nerr deg umagrad n dduṛt-a.
D acu-t waṭṭan n ubeḥri ?
D
aṭṭan n tawla i d-yeslalay ubirus n Anflwanza (Influenza) yesɛan ddeqs n
leṣnaf. Abirus-a ileḥḥu gar medden s ttawil n tusut, aḍas, amsalam,
učči d tissit yesdukklen imdanen. Igellu-d s umata s tawla, ɛeyyu,
asiḥḥi n tanzarin...atg. Acu kan, ɣer kra n medden, igellu-d s twuɣa
timeqqṛanin i izemren ad ten-ṣṣiwḍent armi d lmut.
Acu-t ucṛaḍ mgal lehlak-a ?
D
ttawil yettḥaraben si temsalmit i d-yettakk ubirus n Anflwanza. Acu
kan, acṛaḍ-a, yettemxallaf seg useggas ɣer wayeḍ imi mkul aseggas
yettili mgal yiwen n ṣṣenf mucaɛen gar medden. Ɣef waya, diɣ, llan kra n
yimdanen, ur ttafen ara ɣur-s imi ṣṣenf i ten-iḥuzan mačči mgal-is i
d-yella ucṛaḍ n useggas.
Anwi imdanen yeɛna ucṛaḍ ?
S
kra n tmeṭṭut yellan s tadist neɣ win iɛeddan 65 n yiseggasen, win
yesɛan kra n waṭṭan yezgan neɣ itessen kra n ddwa yesseɛyayen tafekka,
issefk fell-asen ad ceṛḍen mkul aseggas akken ad ḥarben ɣef tfekka-nsen
si twuɣa n waṭṭan n ubeḥri imi tazmert n tfekka-nsen tenqes.
D
acu kan, werǧin ad yili ucṛaḍ ɣer llufan ur newwiḍ 6 n wagguren, wid
yellan di tawla tameqqṛant neɣ win yesɛan aḥerbal (Allergie) ɣer
ttawil-a n uḥareb.
S wacu yezmer ad d-yeglu wecṛaḍ ?
S
umata, tallit-is tettɛeddi di liser bexlaf si tegnit ɣer tayeḍ,
tgellu-d s kra n tezweɣ deg umḍiq n tyita n tsegnit d kra n walluy n
tawla taxfifant i izerrin di sin wussan. D acu, llant kra n tegnatin,
cwi kan imi d timexḍa, anda yezmer ad d-yeglu s uḥerbal i d-yettbanen
ama s tezweɣ d ucuffu deg uqadum neɣ temgeṛt, atiqqef n nnefs, i izemren
ad ssiwḍen ɣer lmut ma amuḍin ur yettusejji ara di lweqt. Ɣef waya, ur
ilaq ara ad yili usufeɣ n umuḍin si tzeqqa n ucṛaḍ uqbel 15 n tedqiqin
deffir tisegnit-nni.
Taggara
Ala
s ucṛaḍ n yimdanen yesɛan tafekka yeɛyan i nezmer ad nḥareb aṭṭan n
ubeḥri. Acṛaḍ-a, ilaq ad yettili mkul aseggas, imi ṣṣenf n ubirus
yettḥazen amdan, yettemxallaf seg tallit ɣer tayeḍ.
Salima dali
Iwenniten