Mačči d aṭṭan n sskeṛ i d ugur imi tujjya tesnulfa-as-d ddeqs n ttawil n usejji, aɣilif ameqqṛan d uguren s wacu i d-igellu ma amdan ur iɛawen ara iman-is akken ad yesseqɛed sskeṛ-is .
Mačči d aṭṭan n sskeṛ i d ugur imi
tujjya tesnulfa-as-d ddeqs n ttawil n usejji, aɣilif ameqqṛan d uguren s
wacu i d-igellu ma amdan ur iɛawen ara iman-is akken ad yesseqɛed
sskeṛ-is . Ɣef waya ilaq amdan, ad yissen s kra d ugur i d-yettawi
unerni asusam n lehlak-as yezgan di tfekka-
Allen
Aṭṭan
n ssker yettḥaz allen. D asusam imi alamma yegla-d s unnqas n yiẓri
yeddan ara d-iban. Ɣef waya, ilaq amdan ad yerzu, ma drus yal aseggas, s
amejjay n wallen i wakken ad inadi kra n wugur.D yir alluy n ssker deg
yidammen i yettḥazen tiṭ, i d abalat n yal ugur, armi ula abeddel n
nnwaḍer, ur yenfiɛ ara imi ala aseqɛed-ines i izemren ad yeḥbes anerni-s
i d-yeslalayen ula d tidderɣelt ur nḥellu. Akken, diɣ, igellu-d ssker s
kra n lehlakat, am rriḍa, laṭansyu n wallen (glaucoma) akked karuf n
yifessugan-is.
Tigeẓẓal
Yessefk
ɣef yal amuḍin, ad ixeddem ikayaden n waman n tasa akken ad inadi ɣef
tiprutiyin i d-yettbegginen lehlak n tegẓelt, imi s teɣzi n lweqt, aṭṭan
n ssker, mi ara yemlil akked waṭṭan n yidammen, ttḥazen iẓuran n
yidammen n tegẓel dayen ara tt-yeǧǧen ur tessizdig ara tafekka si
lewsax. Aya, ad d-yeslal ɣur-s lexsas n tegẓelt u s teɣzi n lweqt, ma
yestehza umdan, tezmer ad taweḍ armi d lmut-is.
Ul d yiẓuran n yidammen
Yettimɣur
wugur n lehlak n yiẓuran, yettḥaz waṭṭan-a ma yemlal akked lehlak n
tassemt n yidim, imi slalayen-d argal n ddeqs deg-sen, labeɛda wid n
wul. Daya ara yeǧǧen amuḍin ad yesɛu di tuget n tikkal ccirat n waṭṭan n
wul i izemren ad as-d-awint ula d lmut. Ɣef waya, ilaq amuḍin s
lemɛawna n umejjay, ad yettnadi ɣef yal tagnit i izemren ad as-d-teslal
ugur u ad ixeddem tikkwal rradyu n wul (TCG) akken ma yella kra yeffren,
ad d-iban.
Iẓuran n lḥess
Iẓuran
n lḥess, yettruḥun ama s afessug, s aglim neɣ igmamen n daxel, yezmer
waṭṭan-a, ad ten-iḥaz. D ayen ara d-yeslalen anbeddal deg-sen. Ɣef waya,
ma iḥus umdan s kra n uqraḥ neɣ n facul yezgan, anemmel deg yiḍarren
neɣ tikkwal ula d war aḥussu di kra n umḍiq deg tfekka-s, d war tazmert
akken ad yeṭṭef aman n tasa, ilaq ad yerzu s amejjay-is imi ccirat-a,
ttbeggint-d belli iẓuran n lḥess, uḍnen.
Taggara
Skud
aṭṭan n sskeṛ ur yeqɛid ara, skud abrid i tlalit n wuguren-a, yeldi,
ɣef waya ilaq amdan s lemɛawna n umejjay-is, ad yesseqɛed sskeṛ-is , u
ma iwala kra n ccirat yessawalen i yiwen seg wuguren i d-nebder, ilaq ad
yerzu s amejjay–is ara t-iwellhen ɣer win ilaqen.
Dali Salima
Iwenniten